En definitiva, estes orzamentos deixan ver que nin sequera en plena pandemia a Xunta e o Estado son quen de modificar a súa tradicional política de desatención das necesidades máis urxentes de Betanzos e da nosa comarca
De verdade era necesario todo este gasto? Toda esta publicidade? Vídeos, calendarios e fotos, moitísimas fotos do goberno local en todo tipo de poses. Un festivo local en medio de semana, a costa do Entroido, que poucas poderán gozar. Mentres esta mesma semana caeron dúas casas do Casco Histórico. O Pasatempo segue pechado polo seu estado de avanzado deterioro. A fábrica da luz segue a caer. Os barrios e parroquias completamente abandonados. O antigo ambulatorio pechado e seguimos sen xeriátrico, nin centro de día.
Se quen combatiu e ridiculizou durante anos as nosas propostas acabou por facelas propias será, precisamente, porque son as que Betanzos precisa para avanzar
O inconformismo é necesario para avanzar, para que Betanzos non siga parada como estes últimos anos. Temos que decidirnos a cambiar para poder avanzar, con ideas claras, cara unha cidade mellor.
Temos unha proposta concreta, posíbel e realizábel para recuperar o Pasatempo. Fronte a un goberno local sen ideas que enreda en reunir comisións, facer informes e pedir colaboracións en abstracto nós defendemos actuar xa. Porque temos que estar á altura da veciñanza que está movéndose e do patrimonio que herdamos.
No BNG defendemos mudar o concepto. Negámonos a ser cómplices das políticas que tanto dano levan facéndolle a Betanzos estas últimas décadas.
O goberno local non quere que sexa o propio Concello quen preste o servizo de guindastre. Deixouno claro este pasado mes de agosto no Pleno o PSOE, ao votar en contra de poñer en funcionamento un servizo público de retirada de vehículos porque o problema, segundo afirmaron, é que sexa público xa que non valoran outra opción que non sexa a nova privatización do servizo.
Fronte a un PSOE que esgotou proxecto, que leva anos sen saber que facer e que ten Betanzos paralizado hai que apostar por unha alternativa clara. O BNG ten un proxecto claro sobre a mesa e defendeuno todo este tempo: meter Betanzos no século XXI, afrontar os desafíos pendentes desde hai décadas, liderar a nosa comarca e apostar polo propio para crear riqueza para as veciñas. Mudar as caras, pero tamén as políticas.
Insistimos na necesidade do servizo- en toda a comarca non hai un só centro de día público, nin unha residencia pública- e na "reciclaxe" dun edificio público baleiro e a caer. E por este motivo demandámoslle agora ao PSOE, que criticaba ao goberno do PP o veto á cesión do vello ambulatorio, que mova peza dunha vez. Porque levamos trece anos agardando.
Cada vez que un goberno decide tratar de modo especial a unha persoa ou cada vez que se deixa sen sancionala por ser quen é, ademais de ser un acto clientelar e caciquil, estase violando a esencia mesma da democracia: sermos tratadas todas por igual e conforme á Lei.
Ambas fundacións son máis similares do que poida parecer: apelan ás emocións fronte ao racional para ocultar que somos as veciñas quen poñemos os cartos para os chiringuitos, escondendo o que se fai co noso diñeiro.
Din que é porque a Betanzos as leis do PP non lles permiten contratar persoal. Esquecen que outros moitos concellos, sen saír da nosa comarca, contratan persoal público. Pero contratan para o que lles leva idea: non cobren baixas na escola infantil e preparan o camiño para outra privatización, entregando a limpeza dos centros escolares a outra concesionaria, ou sacan un concurso para contratar un patrón para a lancha municipal. Sen haber praza creada e sen cartos para pagar un salario que, obviamente, non está previsto nas contas.
No BNG defendemos que hai que decidir, que hai que actuar. É hora de abandonar os anuncios e as promesas multimillonarias, de prometer plans que nunca a nada chegan e aparcar as escusas e actuar. De poñer cartos do orzamento municipal para rehabilitar en lugar de estragalos en orquestras, de crear axudas a quen queira amañar vivenda no Casco Histórico e de buscar financiamento baixo das pedras cun proxecto claro e definido. Ter claro se queremos ir indo a menos ou semellarnos a Allariz.
A negativa do goberno do PP a cubrir as baixas e permisos do persoal do centro de saúde repercute na calidade do servizo que recibimos.
