No ano da pandemia o goberno local gastou máis de 75 mil euros en atencións protocolarias mentres só reservaron 30 mil para axudas a autónomos e pequenas empresas
“O goberno local propón un modificativo de crédito para pagar facturas que foron contratadas sen fondos e para iso propón rebaixar, outras partidas como parte das a autónomos e PEMEs”
“Pedimos acceso ás facturas sen fondos que o goberno de María Barral pretende pagar con este modificativo e o goberno negóunolo, co cal non temos forma de saber se realmente se trata de gastos asociados á crise da covid ou a outros gastos calquera”
“O gasto en servizos privatizados pasa dos dous millóns de euros. En cada orzamento que aproban sube medio millón o importe de cousas que contratan á empresa privada”
O voceiro do BNG advertiu tamén de como se disparan as subvencións a dedo, outorgadas directamente polo goberno local ás entidades que elixe o goberno local sen ningún tipo de criterios públicos
“É inadmisíbel que tendo o Pasatempo pechado e a caer por exemplo non se faga un esforzo por parte do Concello que ademais é o propietario do Parque para reverter a situación, por iso pedimos ao goberno local que rectifique e presente un orzamento con altura de miras, con investimento no noso patrimonio que aposte polos servizos públicos de calidade e que trate a todos os veciños e veciñas en igualdade de condicións”
O BNG reclamou ao goberno local que cumpra a lei e dea conta da liquidación do orzamento e a faga pública para que toda a veciñanza poida saber como están gastando os cartos públicos
Clientelismo, privatización de servizos públicos, contratos a dedo, concesionarias que non pagan ao Concello mentres á veciñanza se lle suben as taxas e impostos.... Son as contas do PSOE!
