galinha-azul

"Coa privatización o PP tamén aproveita para subir as taxas ao pasar de 110 euros a 160 na atención educativa e de 33 a 70 euros (incremento do 112%) no servizo do comedor. Para o BNG está claro que esta medida influirá nos beneficios da concesionaria e prexudicará o peto das nais e pais. A finalidade do público é o servizo, a do privado o beneficio"

Os nacionalistas esixen ao goberno local do PSOE que encargue aos seus técnicos un informe xurídico para examinar a privatización do servizo, que “podería contradicir o convenio subscrito entre Xunta e Concello”.

A medida do goberno do estado obriga a subir o recibo da contribución polo menos até o 0,50 en 2012 e 0,60 en 2013.

“Coa privatización desmantelase un servizo público para favorecer que determinadas empresas fagan negocio co ensino”.

Del Río: “o PSOE ten que escoller, porque non serve que o goberno local dea por boa a privatización da galescola e a continuación o seu secretario xeral na súa visita a Betanzos se posicione en contra".

“O goberno do PSOE ten que aclararlle aos veciños se estaba ao tanto das intencións da Xunta de privatizar a escola infantil do Carregal e se está de acordo con esta forma de xestión”.

Os sucesivos adiamentos da obra por parte do goberno local e Xunta do PP impiden que estea en funcionamento a galescola do Carregal proxectada no 2007.

Betanzos, 21 de xuño de 2011. O BNG entende que de confirmarse que 50 nenos e nenas de Betanzos quedan sen praza nunha escola infantil pública será responsabilidade da ex-alcaldesa María Faraldo. Segundo o voceiro dos nacionalistas, Henrique del Río, “se Faraldo non perdese 14 meses irresponsablemente e cedese os terreos no seu día, probablemente a realidade sería outra e Betanzos podería estar usando as 100 prazas da galescola comprometida polo bipartito”.

Os nacionalistas lembran que Faraldo atopara un proceso expropiatorio en marcha cando ocupou a Alcaldía, para obter terreos para un novo colexio e unha galescola comarcal. Logo de máis de un ano de retraso, finalizou por ceder unha parcela distinta. A Xunta do PP retrasou a construción da escola infantil ata novembro do 2010, recortando ademais as 100 prazas iniciais até as 74.

Por este motivo, desde o BNG apuntan que no caso de que quede algún neno ou nena de Betanzos sen praza nunha escola infantil pública, como prevé o goberno local, será responsabilidade de María Faraldo e os membros do seu goberno por retrasar esta infraestrutura tan necesaria durante practicamente catro anos. “Faraldo será a responsábel se quedan nenos e nenas sen gardería en Betanzos”, resumiu o voceiro nacionalista, Henrique del Río.