“Hai máis de dous anos que se deu por fin por finiquitado o contrato da ORA e aínda así as maquinas expendedoras dos tickets seguen instaladas nas beirarrúas e practicamente a diario visitantes intentar mercar tickets da ORA ante a falta de información”
“A ponte do Carregal, sobre a que pasa o ‘camiño seguro escolar’ ten uns ocos na balaustrada pola que colle unha crianza, e só é cuestión de vontade acabar este problema denunciado xa en 1992”
“O gasto en servizos privatizados pasa dos dous millóns de euros. En cada orzamento que aproban sube medio millón o importe de cousas que contratan á empresa privada”
O voceiro do BNG advertiu tamén de como se disparan as subvencións a dedo, outorgadas directamente polo goberno local ás entidades que elixe o goberno local sen ningún tipo de criterios públicos
“Levamos moito tempo pedíndolle fondos á Xunta para rehabilitar as casas que comprara no Casco Histórico e demandándolle ao Concello que, como a calquera outro propietario cunha casa que ameaza virse abaixo, expedientase ao goberno galego por mantelas en ruínas”
“Temos unha emisora pechada que, desde que vostede é alcaldesa, xa nin os plenos retransmite”, sinalou Henrique del Río á rexedora.
“É inadmisíbel que tendo o Pasatempo pechado e a caer por exemplo non se faga un esforzo por parte do Concello que ademais é o propietario do Parque para reverter a situación, por iso pedimos ao goberno local que rectifique e presente un orzamento con altura de miras, con investimento no noso patrimonio que aposte polos servizos públicos de calidade e que trate a todos os veciños e veciñas en igualdade de condicións”
