lavadoiro-das-cascas

O lavadoiro constitúe un espazo arquitectonicamente marabilloso e un lugar cunhas grandísimas posibilidades como espazo cultural, polo que se fai necesaria a súa rehabilitación interior e exterior e a súa limpeza integral.

“Máis alá do feito de este estar pechado ao público de maneira habitual, chama a atención o lamentábel estado que presenta: pintadas en todos os muros, suciedade, restos de comida e de cartóns etc” abundou o edil nacionalista, que botou en falta que o goberno local do PSOE dedique a este edificio singular “a atención e o mantemento integral que merece”

Amelia Sánchez: “Trátase dun edificio cunha forte carga simbólica e histórica, parte do patrimonio indiano de Betanzos e un lugar excepcional para a realización de pequenos actos culturais, cómpre apostar por el”

A voceira nacionalista, Amelia Sánchez, demandou prazos concretos ao goberno local para levar a cabo a cuarta fase da rehabilitación do lavadoiro das Cascas.

A proposta figura nas dez medidas prioritarias dos nacionalistas. Henrique del Río: “cun investimento mínimo Betanzos contaría cunha infraestrutura moi necesaria”.