“Nesa liña, e en función da vontade do PSOE de chegar a acordos para que Betanzos teña un goberno estábel e dar un xiro cara a políticas de esquerda e á transparencia no goberno, valoraremos no futuro a posibilidade dun acordo de goberno”

Amelia Sánchez: “este acordo negociarase en base a mudanzas na liña do goberno en temas fundamentais como o PXOM ou a xestión directa de servizos como a auga”

“Confiamos fondamente en Betanzos e no noso proxecto e comprometémonos a traballar con xenerosidade, con diálogo e con ilusión, poñendo Betanzos sempre por diante”

Amelia Sánchez: “Betanzos debe volver a ser o que foi, a cabeceira visíbel da súa comarca, a vila de referencia do norte de Galiza. Porque o temos todo, só necesitamos ilusión, ganas e capacidade de traballo. E iso é o que o BNG representa: vontade de mellorar as cousas para que Betanzos obteña o que merece”

“Se hai unha política en Galiza claramente transformadora, esa é a política municipal do BNG, abonda ver como en vilas e cidades similares a Betanzos, coma Allariz, Ribadeo ou Pontevedra o BNG transformou para mellor a cidade e, o fundamental, mellorou a calidade de vida da veciñanza”

O programa de goberno do BNG aposta por un Betanzos máis sostíbel, “contratando o subministro enerxético a cooperativas que producen con enerxías renovábeis e que reinvistan no noso país os beneficios, por mudar o modelo de recollida do lixo, apostando pola reciclaxe e a compostaxe, por rematar o saneamento e exixirlle a Xunta e Estado que poñan fin á contaminación na nosa Ría e por estudar a remunicipalización da traída e o saneamento"