O Pleno, a proposta do BNG, acorda colocar unha faixa a prol do aborto no balcón do Concello

O Pleno acordou colocar unha faixa como esta, de Pontevedra, no Concello
O Pleno, a proposta do BNG, acorda colocar unha faixa a prol do aborto no balcón do Concello

O Pleno acordou colocar unha faixa como esta, de Pontevedra, no Concello

“Vai sendo moita hora de que o PSOE de Betanzos pase das palabras aos feitos”. “O pasado mes de maio o Pleno aprobou unha moción do BNG para facer unha campaña que explicase á veciñanza como afectará a reforma desta lei e o goberno aínda nada fixo”.

Betanzos, 30 de xaneiro de 2014. O Pleno acordou, a iniciativa do BNG, que o Concello de Betanzos coloque unha faixa na Casa Consistorial amosando o seu posicionamento contrario á reforma da lei do aborto co lema “Polo dereito das mulleres a decidir. Aborto libre e gratuíto”, como xa fixeron outros concellos galegos.

“Vai sendo moita hora de que o PSOE de Betanzos pase das palabras aos feitos” indicou o voceiro nacionalista, ao defender a proposta do BNG fronte a unha moción do PSOE que só pretendía “unha mera declaración de intencións”. “O pasado mes de maio o Pleno aprobou unha moción do BNG para facer unha campaña que explicase á veciñanza como afectará a reforma desta lei e o goberno aínda nada fixo”, reprobou o voceiro nacionalista.

É moita hora de que o PSOE demostre con feitos que acredita nas declaracións retóricas que fai

Os nacionalistas denunciaron que mentres que o PSOE participa a nivel galego e na Coruña na plataforma en defensa do dereito ao aborto, “o PSOE de Betanzos non só non acudiu ás xuntanzas para constituír esta plataforma na nosa comarca senón que nunha delas un concelleiro socialista estaba á porta do local para ver quen acudía á xuntanza da plataforma”.

“É moita hora de que o PSOE demostre con feitos que acredita nas declaracións retóricas que fai” indican desde o BNG. “Nós temos claro o noso posicionamento contrario a esta lei retrógrada que fai que todo o mundo poida decidir sobre o corpo da muller menos ela mesma”, indican os nacionalistas. “Declarámolo, pero tamén actuamos en consecuencia, que é o que botamos en falta en toda a retórica que fai o PSOE”, aseguran.

O Pleno, a proposta do BNG, acorda colocar unha faixa a prol do aborto no balcón do Concello