O BNG levou a Pleno o malestar da veciñanza dos Ánxeles polo “cheiro a augas fecais que invade o barrio, sobre todo a primeira hora da mañá”.

Betanzos, 14 de outubro de 2014. O BNG levou a Pleno o malestar da veciñanza dos Ánxeles polo “cheiro a augas fecais que invade o barrio, sobre todo a primeira hora da mañá”. Os nacionalistas explicaron no Pleno que “os técnicos da concesionaria manifestaron a varias persoas que o cheiro se débe a que durante as obras de renovación do saneamento non se colocaron os botes sifónicos que terían que figurar no proxecto para colocarse na rede de saneamento”

Segundo explica o voceiro nacionalista, Henrique del Río, “desde que comezou a chover o cheiro xa non se percibe, mais o problema continúa estando aí”. O edil do BNG indicou que esta situación afectaba á veciñanza nos seus propios domicilios pero “sobre todo aos negocios deste barrio que abren directamente á rúa”.

Desde o BNG requiriron ao goberno local do PSOE que aclare “porqué non se verificaron estes detalles antes de recibir a obra”. Os nacionalistas reclaman ao executivo local que informe sobre as medidas que vai tomar para corrixir esta situación e os prazos que baralla para afrontalas.

“Vai supoñer un gasto adicional para a veciñanza de Betanzos?”, interpelaron os nacionalistas. “Pensamos que, se é verdade que a obra se recepciounou sen estar correctamente executada, o goberno local terá que pedir responsabilidades á empresa concesionaria”, reclamou Del Río.