Os nacionalistas pediron ao executivo do PSOE que aclare “quen está a asumir estes traballos actualmente” e se “optou o goberno local por contratar algunha empresa privada” como algúns veciños indicaron.

Betanzos, 2 de abril de 2014. O BNG demandou no Pleno que o executivo local cubra a baixa do operario do cemiterio municipal. “O operario do servizo de obras que facía as veces de enterrador no cemiterio municipal está cunha baixa, quedando o cemiterio desatendido” advertiu a concelleira nacionalista María Otero.

Os nacionalistas pediron ao executivo do PSOE que aclare “quen está a asumir estes traballos actualmente” e se “optou o goberno local por contratar algunha empresa privada” como algúns veciños indicaron. “Rezan para que non haxa decesos?” ironizaron os nacionalistas.

O voceiro do BNG, Henrique del Río, recordou que “o cemiterio é un servizo básico e obrigatorio para todos os concellos”, polo que reclamou ao goberno local “que deixe de marear a perdiz e cubra a baixa porque a lexislación permite facelo”.

“O que non pode ser é que o PSOE se negue a cubrir as baixas en servizos básicos como limpeza, policía municipal ou cemiterio e sen embargo dispare os costes de persoal do Conservatorio ou cree prazas como a de conductor da lancha municipal”, indica o nacionalista. “Un goberno responsábel garantiría en primeiro lugar os servizos esenciais para a poboación”, concluíu.

“O goberno local tería posibilidade de ter o servizo cuberto sen problema se readmitiran ao operario do GRUMIR que despediron de forma improcedente e que se estaba ocupando do mantemento do cemiterio”, concluíu Del Río.