O BNG acusa ao goberno de expoñer o Concello a novas demandas xudiciais

O BNG acusa ao goberno de expoñer o Concello a novas demandas xudiciais

“O goberno local non ten escarmentado logo das sentenzas que o obrigaron a reincorporar a tarefas de obras, limpeza e mantemento a varios operarios do anterior GRUMIR”.

Betanzos, 12 de marzo de 2013. O BNG advertiu no Pleno de que “os operarios do GRUMIR realizan traballos diferentes aos que lles corresponden, como retirar broza ou limpar rúas e prazas, camiños e beiravías”. A edila María Otero indicou que esta situación foi denunciada por “varias persoas de distintas partes do municipio”.

O BNG lamentou que “o goberno local non ten escarmentado logo das sentenzas que o obrigaron a reincorporar a tarefas de obras, limpeza e mantemento a varios operarios do anterior GRUMIR”. Por este

Os edís do BNG nun acto público

motivo, os edís nacionalistas acusaron ao goberno local do PSOE de expoñer “irresponsabelmente ao Concello a novas condenas por estes motivos”.

“Acaso non chegan agora os operarios de obras, limpeza e servizos para realizar estes cometidos?” insisten desde o BNG, que recordan que tras a readmisión dos operarios do GRUMIR o Concello conta cunha vintena de persoas para os traballos de obras, limpeza e xardinería.

Contratos sen concurso para traballos que pode facer o propio Concello

“E a pesar desto seguen contratando empresas para facer estes traballos saltándose a Lei”, denuncia o voceiro do BNG, Henrique del Río. Xa que “hai persoal de sobra para reparar beirarrúas e xardíns con medios municipais, non entendemos que beneficio dá a Betanzos pagar por algo que xa pode facer o propio Concello”.

“O goberno do PSOE impide que todas as empresas poidan optar en igualdade de oportunidades a facerse cun contrato do Concello”, advertiu o voceiro do BNG. Insistiu en que “hai que ser escrupuloso na forma en que se xestionan os fondos públicos, sobre contratos e procesos selectivos non pode haber a máis mínima sobra de dúbida cando temos 1255 veciños e veciñas sen emprego”.

O BNG acusa ao goberno de expoñer o Concello a novas demandas xudiciais