Del Río: “Despois das súas descualificacións, se Barral tivese un mínimo de vergoña, dimitía"

Segunda parte do extracto da conta xeral de 2013. Amosa os programas de "acción social" e "atención a dependentes", que supoñen o orzamento de gastos da concellaría de Servizos Sociais
Del Río: “Despois das súas descualificacións, se Barral tivese un mínimo de vergoña, dimitía"

Henrique del Río é o voceiro do BNG

“Cada convenio para facer caridade, cada nova medida de beneficencia e cada bolo benéfico que organiza o goberno local leva un despregue de propaganda e autobombo que ofende a quen recibe a axuda e a dignidade das persoas”

Betanzos, 23 de setembro de 2014. “Parécenos lamentábel que a concelleira de servizos sociais en lugar de preocuparse por atender as necesidades da veciñanza, que ademais ten dereito a ser atendida, se preocupe por descualificar ao BNG e a facer polítiqueo”. Así respondeu o voceiro do BNG, Henrique del Río, ás descualificacións e insultos verquidos pola concelleira María Barral en nome do goberno local do PSOE.

“O BNG dixo que na partida das axudas de emerxencia social quedaran 907,35 euros sen pagar a fin de ano porque é o que di a conta xeral, non inventamos nada”, engadiu Del Río. “Se o gasto responde a unha factura de comprar alimentos ou outra cousa é algo que só sabe o executivo porque a nós esa información non nola deron coa conta xeral”, afirmou.

“En todo caso, supoñiamos que o programa do banco de alimentos iría na partida dedicada precisamente a ‘produtos alimenticios’ e que casualmente non só non ampliaron senón que nin sequera esgotaron”, indicou. “Se a conta recolle os gastos de calquera maneira e os nomes das partidas non se corresponden cos gastos que se lles imputan é imposíbel controlar a acción do goberno e poder facerse unha idea de en que gasta os cartos da veciñanza o goberno local”, cuestiona. “Claro que esta é a transparencia do PSOE”, engadiu.

Extracto da conta xeral de 2013. Amosa os programas de "acción social" e "atención a dependentes", que supoñen o orzamento de gastos da concellaría de Servizos Sociais

“Resulta lamentábel que o PSOE e a señora Barral acusen ao BNG de usar temas de carácter social para obter un titular cando é precisamente o que se dedican a facer ela e o seu goberno”, retrucou o nacionalista. “Cada convenio para facer caridade, cada nova medida de beneficencia e cada bolo benéfico que organiza o goberno local leva un despregue de propaganda e autobombo que ofende a quen recibe a axuda e a dignidade das persoas”, espetou.

O voceiro do BNG asegurou que “o Bloque fai as súas valoracións sobre como se gasta o orzamento de servizos sociais do ano 2013 en base á conta xeral que elabora e nos achega o propio goberno”. “Se o PSOE maquilla tanto estas contas que até os seus propios edís non as recoñecen xa non é asunto noso, mais en todo caso a conta está aí e nela aparece o

Segunda parte do extracto da conta xeral de 2013. Amosa os programas de "acción social" e "atención a dependentes", que supoñen o orzamento de gastos da concellaría de Servizos Sociais

que dicimos”, ironizou.

“Quen mentiu para sacar rédito político foi un partido que prometeu este ano subir as axudas de emerxencia social nun 700% e sen embargo as recurta en 10 000 euros con respecto ao anterior orzamento”, engade. “E ese foi o PSOE, non é o BNG, así que o lóxico é devolverlle as descualificacións e insultos á señora Barral porque as súas expresións describen como se comporta o goberno do que fai parte”, abundou. “Despois disto, se tivese un mínimo de vergoña e dignidade, dimitía”, concluíu.

Del Río: “Despois das súas descualificacións, se Barral tivese un mínimo de vergoña, dimitía"