Mesa da Ría

As nacionalistas reiteran a demanda de constituír a Mesa da Ría con administracións, entidades sociais e ambientais e organizacións políticas para fixar cronograma de recuperación da ría de Betanzos.

"Falta cumprir o acordo para recuperar e homenaxear a figura do Foucellas, coa colocación dun memorial en que se lembrase que no Antigo Cuartel da Garda Civil de Betanzos, hoxe Museo das Mariñas, foi preso e torturado Benigno Andrade".

“Levamos décadas agardando polo saneamento completo e a rexeneración da ría, hai que pasar de palabras a feitos todos os gobernos e non ten que ser tabú exixirlle á Xunta que cumpra coas súas competencias no tocante ao saneamento da ría”, advirte Vanesa Rey diante da negativa do PP a crear a Mesa.

O BNG demandou virar o rumbo das políticas ambientais que desenvolve o goberno local cun plan de rearborado do núcleo urbano, priorizando novas especies máis acaídas a entornos urbanos como rúas e prazas e apostando por exemplares autóctonos nas beiras dos ríos e nos xardíns de maior tamaño.