O BNG reclamou ao goberno local “que por unha vez teña coherencia entre o que dixo e o que fai”.O BNG exixiu ao goberno local do PSOE que aclare se “cren que é xusto cobrar os prezos públicos por un servizo que non se vai emprestar”.

Betanzos, 3 de xullo de 2012. O BNG reclamou no Pleno que o goberno local desconte as cotas da piscina municipal aos usuarios durante o tempo que permaneza pechada polas obras, que recentemente anunciou o goberno local.

Segundo o goberno local a piscina permanecerá pechada practicamente todo o mes de agosto” indicou o voceiro do BNG, Henrique del Río.

O PSOE, cando estaba na oposición, apoiou esta proposta do BNG

“Segundo nos ten manifestado un grupo de usuarios e usuarias da mesma, ese mes cobraranse igualmente as cotas malia non emprestarse servizos”, indicaron os nacionalistas. Por este motivo, o BNG exixiu ao goberno local do PSOE que aclare se “cren que é xusto cobrar os prezos públicos por un servizo que non se vai emprestar”.

O PSOE apoiou esta proposta cando estaba na oposición

Os nacionalistas recordan que o pasado 22 de febreiro de 2011 o Pleno aprobou unha moción do BNG que solicitaba, entre outras cousas, que non se cobrase as cotas correspondentes a outro período de peche da piscina. Entre os grupos que apoiaron a proposta nacionalista figuraba o PSOE, actual goberno. Por este motivo o BNG reclamou ao goberno local “que por unha vez teña coherencia entre o que dixo e o que fai” e adopte as medidas que faga falta “para cumprir ese acordo” ou que aclare “por que non cumpren cos acordos plenarios que apoian”.