“Parecenos vergoñento que o Partido Popular acuda en Betanzos a concentracións pedindo dotacións orzamentarias para o novo colexio mentras en Santiago vota en contra das emendas que presentamos nese sentido”.

Betanzos, 14 de febreiro de 2013. O BNG lamenta que o PP votara na comisión parlamentar sobre educación, que se celebrou hoxe, a emenda aos orzamentos presentada polos nacionalistas pedindo un millón de euros para a construcción do novo colexio de Betanzos.

“Parecenos vergoñento que o Partido Popular acuda en Betanzos a concentracións pedindo dotacións orzamentarias para o novo colexio mentras en Santiago vota en contra das emendas que presentamos nese sentido”, criticou o voceiro nacionalista Henrique del Río. “Non entendemos para que asinan declaracións conxuntas de todos os grupos se despois non van apoiar a mesma demanda cando teñen oportunidade de facelo”.

Os nacionalistas que cualificaron a actuación do PP de “cando menos hipocrita” consideraron que o PP está utilizando as xustas demandas veciñais para “mercadear coa alcaldía de Betanzos”. “Ao Partido Popular non lle importan para nada as necesidades da veciñanza só sacar rendimento político a toda costa”, recriminaron os nacionalistas.

O BNG vai seguir apoiando as demandas e todas as mobilizacións sociais que a comunidade escolar e a veciñanza en xeral decidan emprender por este tema.“No BNG estamos polo ensino público e demostrámolo con feitos”, concluíron.