O BNG da comarca agasalla rosarios ao PP en protesta pola refoma da lei do aborto
Trátase dunha lei inxusta, xa que se ceba con aquelas que menos teñen e non poden pagar viaxes ao estranxeiro para abortar.
Betanzos, 17 de xaneiro de 2014. O BNG entregou esta mañá de xeito simultáneo en todos os concellos da comarca uns rosarios, dirixidos ao PP, para amosar, dun xeito simbólico, o seu rexeitamento á reforma da lei do aborto que promoven os conservadores. Todas as mulleres e particularmente as feministas non nos cansaremos de berrar que non queremos os seus rosarios nos nosos ovarios, explicou Victoria Louro, responsábel comarcal de Acción Feminista do BNG, esta é unha lei feita á medida da Conferencia Episcopal. Con esta lei o PP convertese en inimigo das mulleres e pretende negarnos o dereito a decidir nos mesmas sobre os nosos corpos.
En Betanzos foi a concelleira María Otero a que explicou que a Igrexa pode dicir o que queira, pero o poder civil non pode facer as leis segundo os ditados do catecismo.
