O BNG, traslada esta problemática ao Pleno municipal que se celebra hoxe, e piden ao goberno local que dote á Policía Local de persoal e dos medidores de decibelios que necesitan para tomar acta dos ruídos que afectan ás vivendas a altas horas da madrugada e que vixile que se cumpran as horas de peche legalmente estabelecidas para estes locais o antes posíbel. 

Vanessa Rey: “entendemos que as actividades de hostalería e ocio teñen que convivir co dereito ao descanso das veciñas e veciños e que o goberno local debe garantir que se cumpra a normativa para garantir esta convivencia”

“Trátase dunha zona que podería ser das máis bonitas de Betanzos, cos balcóns mariñáns e os tradicionais soportais, pero que vemos como se vai degradando ano tras ano, sen que o goberno local tome medida ningunha para evitalo”