Amelia Sánchez Pérez

Portavoz municipal do BNG. Xanrozo, Betanzos, 1982. Licenciada en Filoloxía Galega pola Universidade da Coruña. Funcionaria da Consellería de Educación, profesora de Lingua e Literatura no IES As Mariñas.

Vanessa Rey Carro

Concelleira. Nada na Ribeira e veciña da Madalena, traballa nunha empresa de I+D+i gandeiro. 

Salvador González Fernández

Concelleiro. Nado no Castro (Sada) e veciño do Mandeo, membro da executiva comarcal da CIG e representante dos traballadores en Sargadelos.

 Asignación a grupo municipal e indemnizacións

O 22 de xuño de 2023 o Pleno do Concello acordou a asignación a grupos políticos e indemnizacións por asistencias a órganos do Concello dos distintos integrantes da Corporación, mantendo as que se foran acordadas nos mandatos precedentes. O acordo está publicado no BOP do 4 de xullo de 2023.

Como resultado dese acordo, o grupo municipal do BNG percibe 900 euros ao mes para o traballo político como representantes veciñais. Esta é a información no web municipal.

Do cumprimento dese acordo, e dado que o grupo municipal do BNG está na oposición, as persoas que integran o Grupo Municipal do BNG só asisten ao Pleno, Comisións e á mesa de contratación. As contías son:

-Pleno Ordinario: 240,88 €

-Pleno Extraordinario: 60,22 €

-Comisión informativa de Programación: 75,00 €

-Mesa de Contratación: 150,00 €

Conforme á Carta Financeira do BNG, estes cartos son doados integramente polas persoas que compoñen o Grupo Municipal do BNG á organización para sostemento da súa actividade política.

Declaración de bens e intereses

Os bens e intereses do grupo municipal do BNG están publicados no web oficial do Concello de Betanzos. Nesta ligazón podes consultar a declaración de bens e intereses do grupo municipal do BNG.

Actuación institucional

Os acordos de organización do Pleno do Concello de Betanzos conceden a cada grupo político a posibilidade de presentar até tres mocións e cinco preguntas en cada sesión ordinaria (celébranse adoito o último martes de cada mes). Un acordo posterior da xunta de portavoces deixou en 2 as mocións por grupo e Pleno, podendo presentarse tres excepcionalmente.

Neste enlace podes escoitar as gravacións das sesións plenarias ou ler as actas dos plenos.