Imprimir

Pedimos prazos para solucionar a mala calidade da auga da traída tras recoller novas queixas veciñais

bngbetanzos | 16 de Outubro de 2018

Un vaso de auga avolta no local do BNG
Un vaso de auga avolta no local do BNG

“Pensamos que a Xunta debe facer público un cronograma cos prazos máximos para mellorar a acometida da auga e que o goberno local ten que compensar á veciñanza na súa taxa de traída de auga polos continuos episodios de turbidez que impiden utilizar a auga da traída”

“Levamos anos pedindo que se estude a posibilidade de remunicipalizar o servizo da auga, que acumular moitísimas queixas veciñais pola mala calidade do mesmo, e subidas continuas das taxas”

“Pensamos que a Xunta debe facer público un cronograma cos prazos máximos para mellorar a acometida da auga e que o goberno local ten que compensar á veciñanza na súa taxa de traída de auga polos continuos episodios de turbidez que impiden utilizar a auga da traída”

“Levamos anos pedindo que se estude a posibilidade de remunicipalizar o servizo da auga, que acumular moitísimas queixas veciñais pola mala calidade do mesmo, e subidas continuas das taxas”

Betanzos, 15 de outubro de 2018. O BNG fíxose eco das novas queixas veciñais pola turbidez da auga da traída e esixiu prazos concretos para solucionar estes problemas. “Hai máis de 2 anos que o goberno local anunciou un convenio coa Xunta para mellorar a captación de auga de Betanzos. Este pasado verán a Consellería anunciou que estaba a piques de licitar o proxecto e que as obras comezarían o vindeiro ano. A realidade é que case tres anos despois aínda non vimos ningunha actuación concreta e que a traída de auga, que ademais é un servizo básico que o concello está obrigado a emprestar, é dunha calidade lamentábel no noso concello”, explicou o portavoz nacionalista, Henrique del Río.

Desde o BNG informaron en que os últimos días a auga sae de novo dunha cor marrón que non fai viábel o seu consumo. “A veciñanza leva anos trasladando as súas queixas continuas ao goberno, sen que, polo momento viramos máis que promesas”, criticou del Río. “Pensamos que a Xunta debe facer público un cronograma cos prazos máximos para mellorar a acometida da auga e que o goberno local ten que compensar á veciñanza na súa taxa de traída de auga polos continuos episodios de turbidez que impiden utilizar a auga da traída”, engadiu o portavoz do BNG.

As nacionalistas pediron tamén ao goberno que faga públicas as analíticas sobre a calidade da auga da traída “xa que a cor da auga xera intranquilidade entre a veciñanza sobre a súa calidade”.

O BNG leva desde o 2014 reclamando a xestión pública do servizo da auga

“Levamos anos pedindo que se estude a posibilidade de remunicipalizar o servizo da auga, que acumular moitísimas queixas veciñais pola mala calidade do mesmo, e subidas continuas das taxas”, explicou o portavoz do BNG.

Podes ver este artigo na próxima dirección /articulo/novas/pedimos-prazos-solucionar-mala-calidade-da-auga-da-traida-recoller-novas-queixas-vecinais/20181016165809003332.html


© 2018 Bloque Nacionalista Galego de Betanzos

Bloque Nacionalista Galego

Travesía da Torre, nº2, 1º
15300 Betanzos (GALIZA)
Teléfono: +34981776466
Correo: betanzos@bng.gal