Bloque Nacionalista Galego de Betanzos :: Últimas novas

O BNG reforza o seu grupo municipal coa chegada de Antón Tenreiro

Tue, 2 Jun 2026 09:46:33 +0200

Antón Tenreiro substitúe como concelleiro a Salvador González, co fin de reforzar o grupo municipal do BNG no último ano do mandato

O BNG esixe un centro de día para Betanzos e reproba as palabras da conselleira de Política Social

Sat, 30 May 2026 10:43:33 +0200

Vanessa Rey, “no BNG levamos anos reclamando a creación dun centro de día público comarcal, ao consideralo un servizo primordial e a Xunta debe asumir as súas competencias e facelo realidade”

A iniciativa do BNG saíu adiante coa única abstención dos concelleiros do PP, que animaron ao goberno local a buscar os fondos para o centro de día en institucións diferentes á Xunta

O BNG solicita explicacións pola tala masiva de arboredo na beira do Mendo

Tue, 26 May 2026 11:30:38 +0200

Logo de pedir a paralización dos traballos de tala abusiva nas marxes do río, que lle afectaron a un espazo protexido pola Rede Natura 2000 en plena época de cría de aves, as nacionalistas pedirán todos os datos sobre a corta e os desbroces no pleno ordinario

O BNG de Betanzos recoñece o compromiso e o traballo de Salvador González durante o seu paso pola corporación municipal

Wed, 20 May 2026 15:47:31 +0200

Moncho Bouzas: “Como concelleiro sempre mostrou unha enorme vontade de achegar propostas e solucións para mellorar a cidade. Só podemos ter palabras de agradecemento polo esforzo e pola dedicación demostrada”

O BNG cuestiona a finalidade da pinza urbanística entre PP e PSOE

Mon, 18 May 2026 10:45:22 +0200

As nacionalistas consideran que o apoio do PP ao PXOM evidencia que populares e socialistas comparten o mesmo modelo urbanístico

"Este tema deixa claro que hai dous modelos para escoller: o do PP-PSOE e o do BNG", concluíu Amelia Sánchez

O BNG de Betanzos anuncia o seu voto en contra do PXOM

Fri, 15 May 2026 12:36:21 +0200

Amelia Sánchez: no BNG apostamos por un Betanzos que avance e medre en servizos, en poboación e en calidade de vida; un Betanzos que defenda o seu patrimonio histórico, cultural e medio ambiental; un Betanzos que garanta o acceso á vivenda; esa foi e será a nosa posición

“Non podemos apoiar un PXOM que permita, en pleno 2026, a construción en zona asolagábel de vivenda, sexa pública ou privada, nun momento en que cada vez hai máis problemas nese tipo de zonas”

O BNG esixe a paralización da tala masiva de arboredo na beira do Mendo

Wed, 6 May 2026 12:29:52 +0200

As nacionalistas esíxenlle ao goberno local que deteña os traballos de tala abusiva nas marxes do río, que lle afectan a un espazo protexido pola Rede Natura 2000 en plena época de cría de aves.

O BNG esixe melloras no transporte colectivo en Betanzos e na súa contorna

Wed, 6 May 2026 11:13:21 +0200

Solicitan a modernización da liña ferroviaria e a construción do by-pass de Infesta, a apertura das estacións e unhas frecuencias e horarios adaptados ás necesidades das usuarias do tren.

Esixen a mellora das frecuencias e horarios das liñas de autobús e a oferta dos servizos necesarios para permitir a conexión entre Betanzos, A Coruña e Ferrol; así como a conexión cos polígonos industriais e cos campus universitarios.

O BNG pide a creación dunha área de restauración ecolóxica na zona do Carregal-Ribeira-Porto de Betanzos

Thu, 30 Apr 2026 12:54:57 +0200

Amelia Sánchez: o impulso do espazo Carregal-Ribeira-Porto como área de restauración ecolóxica permitiríanos protexer a zona, facer propostas a nivel estatal ou mesmo europeo para conseguir fondos para a súa recuperación e desenvolver actuacións que eviten o asolagamento destas áreas.

O BNG fai públicas as súas condicións para apoiar o PXOM de Betanzos

Fri, 10 Apr 2026 19:58:23 +0200

“No BNG temos claro que Betanzos precisa un PXOM, mais non un calquera, senón un bo PXOM. Un texto que ordene e planifique o desenvolvemento e o medre de Betanzos”

“As nacionalistas cuestionan un plan urbanístico que permita unha aberración como a construción de vivenda ou edificacións en zona inundable, á beira do río Mendo”