"NÓS TEMOS CLARO QUE A FÁBRICA DA LUZ É UN LUGAR INMELLORÁBEL PARA ACOLLER ACTIVIDADES CULTURAIS, VECIÑAIS E POÑER EN VALOR A HISTORIA E O QUE SUPUXO A FÁBRICA DA LUZ PARA BETANZOS"

Urximos a tomar medidas para garantir a conservación da fábrica da luz tras anular a Xustiza a multa a Naturgy

Vista da cuberta da Fábrica da Luz
Vista da cuberta da Fábrica da Luz

“O Concello ten que actuar xa, levamos décadas perdidas nas que se podía ter actuado para declarar ben de interese cultural (BIC) a fábrica da luz, evitar o estado de ruína ao que chegou e garantir a súa posta en valor”.

Urximos a tomar medidas para garantir a conservación da fábrica da luz tras anular a Xustiza a multa a Naturgy

“O Concello ten que actuar xa, levamos décadas perdidas nas que se podía ter actuado para declarar ben de interese cultural (BIC) a fábrica da luz, evitar o estado de ruína ao que chegou e garantir a súa posta en valor”.

"Nós temos claro que a Fábrica da Luz é un lugar inmellorábel para acoller actividades culturais, veciñais e poñer en valor a historia e o que supuxo a Fábrica da Luz para Betanzos"

Betanzos, 2 de febreiro de 2020. O BNG urxiu ao goberno local que adopte medidas para garantir a conservación da fábrica da luz tras anular a Xustiza a multa coercitiva que o executivo impuxera a Naturgy. “O Concello ten que actuar xa, levamos décadas perdidas nas que se podía ter actuado para declarar ben de interese cultural (BIC) a fábrica da luz, evitar o estado de ruína ao que chegou e garantir a súa posta en valor”, explicou o voceiro nacionalista, Henrique del Río.

“O PSOE leva gobernando 40 anos Betanzos, como o PP na Xunta, e nunca fixeron nada, xa non pola fábrica da luz, senon por manter o noso patrimonio histórico, que é o que fai diferente e única unha cidade como Betanzos e a oportunidade de desenvolvemento social e económico que este concello ten”, remarca Del Río.

“Neste asunto en concreto o PSOE pasou de negarse a catalogar o edificio a, cando por fin se logra a declaración como monumento industrial da fábrica da luz, xogar a deixar correr o tempo sen forzar a Naturgy a garantir a súa conservación”, relata Del Río. “A división inmobiliaria de Naturgy está decidida a botar abaixo este edificio que é patrimonio de todas as betanceiras, e sinceramente cremos que ten que ser algo que non lle pode saír gratis a Naturgy”, abundan as nacionalistas.

O nacionalista recorda que “aínda no documento de avance do novo Plan Xeral o PSOE teima en non incluír a fábrica da luz no catálogo, como se a súa protección xurídica non existira a día de hoxe”, engade.

As nacionalistas salientan que “Xunta e Concello teñen xuristas para estudar as vías legais para garantir a conservación deste monumento”. “É unha cuestión de vontade política, non se pode consentir que unha empresa como Naturgy deixe caer o noso patrimonio impunemente”, abundan. “Naturgy será propietario da parcela e o edificio, pero non se pode perder de vista que hoxe por hoxe a fábrica da luz xa é patrimonio cultural de todas as galegas”, explica Del Río.

Adquirir, rehabilitar, musealizar e acoller equipamentos socioculturais, a proposta do BNG

 

Neste sentido, Del Río recorda que "cada día que pasa sen adoptarse decisións de calado, estase permitindo que se bote un pouco abaixo a Fábrica da Luz". As nacionalistas demandan ao goberno local que “adopte todas as medidas necesarias para evitar que perdamos para sempre este edificio do patrimonio de toda a cidade”. Desde o BNG lembran que "temos instado mesmo a adquirir a finca por calquera das modalidades previstas no ordenamento".

"Nós temos claro que a Fábrica da Luz é un lugar inmellorábel para acoller actividades culturais, veciñais e poñer en valor a historia e o que supuxo a Fábrica da Luz para Betanzos", engade. "E agotaremos todas as posibilidades para que o edificio pase a propiedade pública para facer isto realidade", conclúen.