AS NACIONALISTAS ANUNCIARON QUE TRASLADARÁN ESTE TEMA AO PARLAMENTO GALEGO E RECLAMARÁN AO SERGAS QUE GARANTA A CALIDADE DO SERVIZO E CONTRATE PERSOAL PARA CUBRIR AS BAIXAS E VACACIÓNS DO PERSOAL

Denunciamos a supresión do servizo de pediatría polas tardes

conmonste
A voceira de Sanidade do BNG no Parlamento de Galiza, Montse Prado, co portavoz municipal

“Até agora había atención dous días pola tarde, mais agora quedan suprimidas porque o SERGAS non cubre os permisos, unha vez máis. Di o SERGAS que até marzo, pero que garantía hai?"

As nacionalistas anunciaron que trasladarán este tema ao Parlamento galego e reclamarán ao SERGAS que garanta a calidade do servizo e contrate persoal para cubrir as baixas e vacacións do persoal

Denunciamos a supresión do servizo de pediatría polas tardes

“Até agora había atención dous días pola tarde, mais agora quedan suprimidas porque o SERGAS non cubre os permisos, unha vez máis. Di o SERGAS que até marzo, pero que garantía hai?"

As nacionalistas anunciaron que trasladarán este tema ao Parlamento galego e reclamarán ao SERGAS que garanta a calidade do servizo e contrate persoal para cubrir as baixas e vacacións do persoal

Betanzos, 18 de xaneiro de 2020. O BNG denunciou a redución do servizo de pediatría no centro de saúde do Carregal. “Até agora había atención dous días pola tarde, mais agora quedan suprimidas porque o SERGAS non cubre os permisos, unha vez máis”, denuncia o voceiro nacionalista, Henrique del Río. "Di o SERGAS que até marzo, pero que garantía hai?", engade.

“No centro de saúde de Betanzos hai 2 pediatras, para o concello de Betanzos máis os de Coirós, Irixoa e Aranga, que non teñen este servizo e teñen como centro de referencia Betanzos” explica o edil do BNG. Recorda que “o servizo era polas mañás e as tardes de martes e xoves". Desde o BNG explican que coa negativa da Xunta a cubrir a ausencia, o centro queda sen atención polas tardes, complicando o atendemento das crianzas e a conciliación familiar.

“Levamos anos denunciando que a Xunta non cubre baixas nin permisos neste e noutros servizos do centro de saúde” advirte o edil do BNG. Engade que con este recorte empeora o atendemento ás crianzas, adíanse os controis de idade e obrígase á veciñanza a acudir ás urxencias do Hospital Materno Infantil da Coruña, dado que non hai facultativos de pediatría en horario de tarde nin o PAC conta con eles en todo o seu horario de apertura.

As nacionalistas anunciaron que trasladarán este tema ao Parlamento galego e reclamarán ao SERGAS que garanta a calidade do servizo e contrate persoal para cubrir as baixas e vacacións do persoal. “Este centro de especialidades é o de referencia para toda a comarca de Betanzos e non cubrir a praza de persoal provoca problemas para todas as persoas usuarias que teñen que desprazarse nalgúns casos como o de Aranga máis de 3 cuartos de hora até o centro do Ventorrillo”, explicou o portavoz do BNG, Henrique del Río. 

Hai uns meses presentamos ao Pleno unha moción precisamente para demandar ao goberno galego melloras neste servizo e a garantía do servizo fronte a baixas, vacacións, vacantes e outras situacións similares” recordou Del Río na sesión plenaria de onte. Por este motivo, demandou ao executivo local que explique que xestións realizou para garantir o servizo de pediatría en condicións, tal e como acordara o Pleno. “É un tema que nunca está en boca da alcaldesa cando reclama cousas á Xunta”, ironiza o edil do BNG.

“Desde o BNG xa temos presentado unha emenda aos orzamentos da Xunta con este tema nos últimos tres anos, 2014, 15 e 16, e neste mes acabamos de presentar unha iniciativa no Parlamento galego sobre este mesmo tema” recordou Del Río. “Pero agora é o goberno local quen ten que garantir unha atención médica de calidade no centro de saúde público, neste caso para as cativas”, engade.

“Temos dereito a ter un servizo sanitario público de calidade porque, entre outras cousas, estamos pagándoo cos nosos impostos, que se perden en cousas menos necesarias” engade o edil do BNG. “A Xunta ten que cubrir as baixas e vacacións para garantir a calidade do servizo, pero o Concello non pode permitirlle ao goberno galego esta situación nin un minuto máis”, engade. “Por desgraza, non temos constancia de que o goberno local se dirixise á Xunta exixindo que poña fin a esta situación en ningunha das ocasións en que trasladamos o asunto ao Pleno”, lamenta o voceiro nacionalista.

Denunciamos a supresión do servizo de pediatría polas tardes