O BNG-AA non asiste a homenaxe a Núñez en apoio aos traballadores do CIEC que non cobran

Un dos carteis distribuídos polos traballadores do CIEC
Un dos carteis distribuídos polos traballadores do CIEC
O BNG-AA non asiste a homenaxe a Núñez en apoio aos traballadores do CIEC que non cobran

Un dos carteis distribuídos polos traballadores do CIEC

O BNG recalca que non cuestiona a valía da fundación nin os méritos artísticos do propio Jesús Núñez pero reclama ao Concello máis control nas subvencións e no funcionamiento dunha entidade da que é patrono.

Betanzos, 13 de agosto de 2015. O BNG-Asembleas abertas non acudiu onte ao acto de nomeamento de fillo predilecto de Jesús Núñez en apoio aos traballadores do CIEC que levan meses sen cobrar. “Non dubidamos da valía e méritos artísticos de Jesús Núñez, mais non podemos compartir unha homenaxe a unha persoa que ten aos empregados sen cobrar”, explicou o portavoz do BNG, Henrique del Río. “Polo tanto, en solidariedade e apoio a estas persoas non acudimos onte ao acto que se celebrou no Concello para recoñecer como fillo predilecto de Betanzos a Jesús Núñez”.

“O pasado mes de febreiro trasladamos esta situación ao Pleno do Concello, xa que o Concello está representado no padroado da fundación CIEC, e desde aquelas non só non se solucionou senón que mesmo empeorou a situación segundo nos manifestaron os propios traballadores”, informou Del Río.

O voceiro nacionalista indicou tamén que están estudando novas medidas co traballador para que o Concello interveña e poña fin a esta situación. “O máis importante para o BNG-Asembleas Abertas son as persoas. Xa trasladamos este tema ao Pleno do Concello, que forma parte do padroado da Fundación CIEC, e seguiremos defendendo aos traballadores”, engadiu Del Río.

O BNG recalca que non cuestiona a valía da fundación nin os méritos artísticos do propio Jesús Núñez pero reclama ao Concello máis control nas subvencións e no funcionamiento dunha entidade da que é patrono.